Alleged audio leak of Mishal Yousufzai & Salman Akram Raja surfaced online
Imran Khan's important message to old friend Akbar S Babar from jail
Journalist's rude tone while questioning IG Sindh Javed Alam Odho about Mir Raza case
Video: A family nearly escapes before Colombia earthquake shakes their house in front of their eyes
Lahore’s ‘She Drives’ App: Women drive to women passengers
Yadgar e Fatah Ceremony - PAF spectacular air show in Islamabad
Geo's Deewangi Drama Shows Same Car Used by Terrorists in KSE Attack
اسٹاک ایکسچینج حملے میں استعمال گاڑی نجی ٹی وی کے ڈرامے میں دکھائی گئی
کراچی: پاکستان اسٹاک ایکسچینج حملے میں دہشت گردوں کے زیر استعمال گاڑی نجی ٹی وی کے ڈرامے میں نظر آگئی۔
اے آر وائی نیوز کی رپورٹ کے مطابق پاکستان اسٹاک ایکسچینج حملے میں زیر استعمال گاڑی بدھ کے روز نشر کیے جانے والے نجی ٹی وی کے ڈرامے میں دکھائی گئی۔
ذرائع کے مطابق حملے میں نیلے رنگ کی ٹیوٹا کرولا گاڑی نمبر بی اے پی 629 استعمال کی گئی تھی، نجی ٹی وی پر دو روز قبل نشر ڈرامہ ہل پارک کی پارکنگ میں شوٹ کیا گیا تھا۔
ذرائع کا کہنا ہے کہ ڈرامہ بدھ کے روز نشر ہوا اور ڈرامے کی ریکارڈنگ کب ہوئی تھی یہ جاننے کے لیے تحقیقات شروع کردی گئی ہیں۔
واضح رہے کہ اسٹاک ایکسچینج پر حملے میں استعمال گاڑی دہشت گرد کے نام پر نکلی تھی، گاڑی ہل پارک کی پارکنگ میں کیا کررہی تھی، تحقیقات شروع کردی گئی ہیں۔
چند روز قبل پاکستان اسٹاک ایکسچینج پر دہشت گرد حملے کے بعد دہشت گردوں کی جانب سے خریدی گئی کار کے شو روم پر سیکیورٹی اداروں نے چھاپہ مارا تھا، چھاپے کے دوران شو روم کے مالک سے تفصیلی پوچھ گچھ کی گئی تھی۔
ذرائع کے مطابق حملے میں استعمال ہونے والی گاڑی سے متعلق شواہد تحویل میں لے لیے گئے تھے، شوروم کے مالک نے گاڑی کی ملکیتی دستاویزات اداروں کے حوالے کیں۔
خیال رہے کہ 29 جون کو پاکستان اسٹاک ایکسچینج پر دہشتگردوں نے حملہ کیا تھا جس کے نتیجے میں ایک پولیس اہلکار اور اسٹاک ایکسچینج کے 2 سیکیورٹی گارڈ سمیت 7 افراد شہید ہوگئے جب کہ فورسز کی جوابی کارروائی میں چاروں دہشتگرد مارے گئے تھے۔
Source
