Shoaib Dastageer Reaction After His Removal As IG Punjab

Posted By: Amir Sheikh, September 08, 2020 | 17:41:27

Shoaib Dastageer Reaction After His Removal As IG Punjab

آئی جی کی تبدیلی حکومت کا اختیار ہے، شعیب دستگیر کا ردعمل

آئی جی پنجاب ڈاکٹر شعیب دستگیر نے کہا ہے کہ آئی جی تبدیل کرنا حکومت کا اختیار ہے، مزید ردعمل نہیں دے سکتے۔

لاہور میں جیو نیوز سے گفتگو میں آئی جی پنجاب ڈاکٹر شعیب دستگیر نے کہا کہ سی سی پی او لاہور کی تعیناتی پر کوئی اعتراض نہیں اٹھایا تھا۔

انہوں نے کہا کہ سی سی پی او عمر شیخ نے کمانڈ کے خلاف بات کرکے رولز کی خلاف ورزی کی، ان کے بیان پر وزیراعلیٰ پنجاب کو تحفظات سے آگاہ کردیا تھا۔

شعیب دستگیر نے مزید کہا کہ سی سی پی او کے خلاف کارکردگی اور نظم وضبط کے قانون کے تحت کارروائی ہونی چاہیے تھی۔

ان کا کہنا تھا کہ سی سی پی او عمر شیخ کےخلاف نظم و ضبط کے تحت کارروائی ہونے تک کام نہیں کرسکتا تھا۔

آئی جی پنجاب نے یہ بھی کہا کہ معاملہ سی سی پی او کی تعیناتی کا نہیں، صرف نظم وضبط کی خلاف ورزی کا ہے، قانون کے مطابق کارروائی ہوتی تو کوئی مسئلہ نہیں تھا۔

Source