Imran Khan Ko Support Karny Waly Tamam Loog Sahabi Hain - PTI Supporter
Nawaz Sharif's tweet on Air India plane crash
Air India flight with 242 passengers on board crashes near Ahmedabad airport
Hum Sahafi Hain Hum Lar Nhn Sakty, Ap Ke Irdgird Powerful Log Bethy Hain - Reporter VS FM Aurangzeb
Imran Riaz Khan's tweet on elimination of Israel's top military leadership + nuclear scientists
Khawaja Asif's tweet against the increase in salaries of Speaker, Chairman Senate etc..
India To Hold 'Cow Science' Exam on National Level To Aware Public About Science Secrets of Cow
انڈیا میں گائے کی سائنس سے متعلق قومی سطح کا امتحان
انڈیا میں گائے کے متعلق تعلیم کے فروغ کے لیے آئندہ ماہ قومی سطح پر ایک امتحان منعقد کیا جا رہا ہے۔
اس کا اعلان گائے کی فلاح و بہبود کے متعلق حکومتی ادارے راشٹریہ کامدھینو آیوگ (آر کے اے) نے کیا ہے۔
خبر رساں ادارے اے این آئی کے مطابق 25 فروری کو 'گؤ وگیان' یعنی گائے کی سائنس کے نام سے ایک قومی سطح کا امتحان منعقد کیا جائے گا جس میں شرکت کے لیے کوئی فیس نہیں لی جائے گی۔
'آر اے کے' کے چیئرمین ولبھ بھائی کتھیریا نے کہا ہے 'کامدھینو گؤ وگیان پرچار پرسار امتحان' اپنے قسم کا پہلا امتحان ہے جو کہ آئندہ سے ہر سال منعقد کیا جائے گا۔
انھوں نے ایک پریس کانفرنس سے خطاب کرتے ہوئے کہا کہ 'ہم قومی سطح پر کامدھینو گؤ وگیان پرچار پرسار امتحان 25 فروری 2021 کو منعقد کرا رہے ہیں۔ گائے سائنس سے پر ہے اور اس کی سائنس کو دریافت کرنے کی ضرورت ہے۔ یہ ہماری پانچ کھرب کی معیشت میں اہم کردار ادا کرتی ہے۔'
ان کے اس اعلان کے بعد سے سوشل میڈیا پر گرما گرم بحث جاری ہے۔ کوئی ان کا مذاق اڑا رہا ہے تو کوئی تنقید کر رہا ہے جبکہ ایک ایسا بڑا طبقہ بھی موجود ہے جو پہلے سے ہی گائے کے سائنسی فوائد پر یقین رکھتا ہے۔
انڈیا میں برسر اقتدار بی جے پی حکومت کے ایک رہنما نے تو یہاں تک کہا تھا کہ گائے کاربن ڈائی آکسائیڈ اندر لیتی ہے اور آکسیجن چھوڑتی ہے۔ گائے کے گوبر اور پیشاب کو ہندو مقدس مانتے ہیں۔ گھروں میں اس کا چھڑکاؤ کرتے ہیں۔ اسی لیے انڈیا کی مختلف ریاستوں میں گائے کی ذبیحے پر پابندی لگا دی گئی اور بعض جگہ تو اس کے لیے سخت قوانین بھی بنائے گئے ہیں۔
بہر حال گائے کی سائنس سے متعلق امتحانات ہندی انگریزی کے علاوہ ملک کی 12 علاقائی زبانوں میں منعقد کیے جائیں گے۔
آر کے اے کے چیرمین نے اعلان کرتے ہوئے کہا کہ یہ امتحان ایک گھنٹے کا ہوگا اور اس کے چار زمرے ہوں گے۔ پہلا آٹھویں جماعت تک، دوسرا اٹھویں سے 12 ویں جماعت تک، تیسرا کالج کی سطح کے اور چوتھا عام لوگوں کا ہوگا۔
اس کے متعلق وزارت کی ویب سائٹ پر مواد اپ لوڈ کے جائیں گے۔ اس کے متعلق لٹریچر اور گائے پر کتابیں، گائے کی خدمت کرنے والے گؤسیوک کے متعلق معلومات اور نوجوان اور خواتین کا ذکر جو گائے کی خدمت میں سرگرمی کے ساتھ جڑے ہیں۔
بہت سے لوگ اس بات پر غور و فکر کر رہے ہیں کہ اس ڈوبتی معیشت میں پانچ کھرب معیشت کا خواب اور اس میں گائے کا کردار کیا ہو سکتا ہے۔
خیال رہے کہ مودی حکومت نے پہلے انڈیا کی معیشت کو تین کھرب سے بڑھا کر پانچ کھرب تک پہنچانے کا اعلان کیا تھا جسے ماہرین معاشیات نے تقریبا ناممکن قرار دیا تھا۔
Source
