Alleged audio leak of Mishal Yousufzai & Salman Akram Raja surfaced online
Indian singer Sonu Nigam's viral video as he sings Mohammad Rafi's song during surgery
Imran Khan's important message to old friend Akbar S Babar from jail
Shocking Footages: Buildings sway and shake after massive 7.4 magnitude Earthquake hits Colombia
CM Sohail Afridi’s emergency press conference on Imran Khan's health issue
Journalist's rude tone while questioning IG Sindh Javed Alam Odho about Mir Raza case
وزیر تعلیم شفقت محمود کی اداکارہ بیٹی کے سوشل میڈیا پر چرچے
پاکستانی اداکارہ و گلوکارہ تارا محمود ڈراما انڈسٹری میں ایک مقبول اداکارہ کے طور پر پہچانی جاتی ہیں۔
انہوں نے 2004 میں شوبز میں اپنے کیریئر کا آغاز کیا تھا اور 'میرے نام'، 'تجھے پتا تو چلے' اور 'آئے نا' جیسے گانے گائے جو اس وقت مقبول بھی ہوئے۔
تارا محمود نے 2012 میں 'سیڈلنگز' اور 2013 میں ریلیز ہونے والی 'گوڈ مارننگ کراچی' میں بھی اداکاری کی تھی۔
علاوہ ازیں تارا محمود نے مختلف ڈراموں میں اداکاری بھی کی جن میں سے 'محبت صبح کا ستارہ ہے'، 'دیارِ دل' اور 'جیکسن ہائٹس' سے انہیں مقبولیت ملی۔
انہوں نے ڈراما 'سنو چندا' اور اس کے سیکوئیل 'سنو چندا 2' میں اداکاری کی، وہ 'دیوار شب' اور 'رازِ الفت' جیسے مقبول ڈراموں کا بھی حصہ بنیں۔
آج کل تارا محمود ڈراما سیریل 'ڈنک' میں مسز انجم نامی خاتون کا کردار ادا کررہی ہیں، خیال رہے کہ ٰیہ ڈراما موضوع بحث بھی بنا ہوا ہے۔
تارا محمود کی اداکاری سے تو سب ہی واقف ہیں لیکن مداحوں کی اکثریت کو یہ معلوم نہیں تھا کہ ان کا تعلق پاکستان کی کس معروف شخصیت سے ہے۔
جی ہاں، اداکارہ تارا محمود پاکستان تحریک انصاف (پی ٹی آئی) کے رہنما اور وفاقی وزیر تعلیم شفقت محمود کی بیٹی ہیں۔
حال ہی میں سوشل میڈیا پر تارا محمود کی شفقت محمود کے ساتھ تصویر وائرل ہوئی تھی جس پر حیرانی کا اظہار بھی کیا جارہا ہے کہ یہ اداکارہ پاکستانی سیاستدان کی بیٹی ہیں۔
وائرل ہونے والی یہ تصویر اصل میں تارا محمود کی جانب سے والد کی سالگرہ پر پوسٹ کی گئی تھی۔
یہ تصویر تارا محمود نے 19 فروری 2020 کو وزیر تعلیم شفقت محمود کی سالگرہ پر شیئر کی تھی اور ساتھ ہی انہیں جنم دن کی مبارکباد بھی دی تھی۔
تاہم اب یہ تصویر سوشل میڈیا پر اچانک ہی وائرل ہوگئی ہے جس پر مداحوں کی جانب سے بہت حیرانی کا اظہار کیا جارہا ہے۔
Source: Dawn
شفقت محمود کی بیٹی تارا محمود معروف کامیڈی شو مذاق رات میں بھی آچکی ہیں
