شاہ محمود قریشی نے میڈیا کو بریفنگ دیتے ہوئے کہا کہ وزیراعظم عمران خان کی آج چینی صدر شی جن پنگ کے ساتھ ایک مفصل نشست ہوئی۔ اس نشست میں چین اور پاکستان کے سٹریٹجک معاملات پر تبادلہ خیال ہوا۔ پاکستان کے سی پیک کے منصوبے کہاں کھڑے ہیں اور اگلے فیز میں کیا کیا کرنا ہے اس پر تفصیل سے گفتگو ہوئی۔ میں بلا خوف یہ کہتا ہوں کہ اتنی جامع نشست میں نے کبھی نہیں دیکھی۔ افغانستان کے معاملے پر مکمل یکسوئی پائی گئی۔ ہم نے آج افغانستان سے متعلق کچھ اہم فیصلے کئے۔