پاک افغان بارڈر پر ضلع کرم میں دہشتگردوں کی سرحد پار سے فائرنگ، فائرنگ کے تبادلے میں پانچ جوانوں نے جامِ شہادت نوش کیا۔ پاک فوج کی جانب سے دہشتگردوں کو بھرپور جواب دیا گیا۔ آئی ایس پی آر کا کہنا ہے کہ پاکستان دہشتگردوں کی جانب سے افغان سرزمین کے استعمال کی شدید مذمت کرتا ہے۔ آئی ایس پی آر کے مطابق شہید ہونے والوں میں کراچی کے لانس نائیک عجب نور، لکی مروت کے سپاہی ضیاء اللہ خان، کرک کے سپاہی ناہید اقبال، بنوں کے سپاہی زبیر اللہ خان اور بہاولنگر کے سپاہی ساجد علی شامل ہیں۔ آئی ایس پی آر کا کہنا ہے کہ پاکستان دہشتگردوں کی جانب سے افغان سرزمین کے استعمال کی شدید مذمت کرتا ہے۔ توقع ہے کہ عبوری افغان حکومت مستقبل میں پاکستان کے خلاف ایسی سرگرمیوں کی اجازت نہیں دے گی۔ پاک فوج دہشتگردی کی لعنت کے خلاف پاکستان کی سرحدوں کے دفاع کیلئے پرعزم ہے۔ بہادر جوانوں کی ایسی قربانیاں ہمارے عزم کو مزید مضبوط کرتی ہیں۔