مسلم لیگ ن کے سینٹرل ایگزیکٹیو کمیٹی کا ورچوئل اجلاس طلب کرلیا گیا۔ نوازشریف لندن اور شہباز شریف لاہور سے اجلاس کی صدارت کریں گے۔ اجلاس میں ملک کی موجودہ مجموعی صورتحال پر تفصیلی غور ہوگا۔ مریم اورنگزیب کہتی ہیں سیاسی جماعتوں سے رابطوں اور مختلف تجاویز پر اہم مشاورت ہوگی۔ شہباز شریف پیپلز پارٹی قیادت سے ہونے والی ملاقات پر اعتماد میں لیں گے۔ مریم اورنگزیب نے کہا کہ حکومت کے خلاف تحریک عدم اعتماد سمیت دیگر آئینی قانونی اور سیاسی اقدامات پر فیصلے ہوں گے۔ مہنگائی عوامی مسائل، معاشی تباہی اور بے روزگاری کی صورتحال زیر غور آئے گی۔ منی بجٹ اور سٹیٹ بینک کی نام نہاد خود مختاری کے نام پر معاشی غلامی پر بات ہوگی۔