اضافی رقم نہ دینے پر دلہن کا منہ دھلوا کر سیلون سے نکالنے پر ڈگری جاری کی گئی ہے۔ صارف عدالت کے جج وسیم افضل نے دعوے پر ڈگری جاری کی ہے۔ وفاقی کالونی کے ڈاکٹر شازیہ سکھیرا نے ہرجانے کا دعویٰ دائر کیا تھا۔

تفصیلات کے مطابق عدالت میں وفاقی کالونی کی رہائشی ڈاکٹر شازیہ کی طرف سے دعویٰ دائر کیا گیا تھا جس میں ان کا موقف تھا کہ ان کی کزن کی شادی تھی، سیلون زرواز میک اپ لانچ کی مالکن کے ساتھ دس ہزار روپے طے ہوا تھا، پانچ ہزار روپے دے دیا اور پانچ ہزار روپیہ بعد میں دینا تھا۔ جب دلہن تیار ہوئی تو سیلون کی مالکن نے مزید پندرہ ہزار روپے کی رقم مانگی جو انہوں نے نہیں دی ۔ اس پر سیلون کی مالکن نے دلہن کا منہ دھلوا دیا اور سیلون سے نکال دیا۔ ڈاکٹر شازیہ کے مطابق جس کی وجہ سے انہیں شدید شرمندگی کا سامنا کرنا پڑا۔

عدالت نے کیس کی سماعت کی اور سیلون کی مالکن کو دس ہزار روپے واپس کرنے کا حکم دیا، دس ہزار روپے ہرجانہ، پچاس ہزار روپے وکیل کی فیس۔ کل ستر ہزار روپے سیلون کی مالکن کو ادا کرنے کا حکم دیا۔