میں نے آج ایم کیو ایم کے وفد سے گزارش کی ہے کہ ٹھیک ہے آپ حکومت کے اتحادی ہیں، اس میں کوئی حرج نہیں، آج کا حلیف کل کا مخالف ہوتا ہے، کل کا مخالف پرسوں کا حلیف ہوتا ہے، یہ سیاست کا حصہ ہے، لیکن عمران نیازی کے ہاتھوں جو ملک کی تباہی ہوچکی ہے اور یہ ایسی تباہی ہے کہ خوف آتا ہے کہ اس ملک خداداد کو کل کس طرح ہم ٹھیک کریں گے، اس لئے میں نے ان سے یہ گزارش کی ہے کہ آپ حکومت کے حلیف ضرور ہیں مگر اس سے پہلے آپ پاکستانی ہیں، آپ کے بڑوں نے پاکستان کیلئے خون دیا ہے، تو آپ کو آج پہلے پاکستانی بن کر سوچنا ہوگا اس کے بعد حلیف بن کر سوچنا ہوگا۔ وگرنہ قوم آپ سے ہمیشہ اس کا سوال کرے گی، وقت زیادہ نہیں آپ کو فیصلہ کرنا ہوگا۔ شہباز شریف کی ایم کیو ایم کے وفد سے ملاقات کے بعد گفتگو۔