اینکر عمران ریاض خان نے ایک ویڈیو میں دعویٰ کیا کہ ان کی ماہانہ آمدن ایک کروڑ روپے سے کہیں زیادہ ہے اور اتنی زیادہ ہے کہ وہ جس گھر میں رہتے ہیں، اس جیسا گھر ہر دو مہینے بعد بناسکتے ہیں۔ عمران ریاض خان نے ایک اور ویڈیو میں اپنا گھر دکھایا تھا جو کہ نہایت عالیشان ہے اور تقریباً چار کنال رقبے پر محیط ہے۔ عمران ریاض خان کے اس دعوے پر اقرار الحسن نے ٹویٹ کرتے ہوئے لکھا "ماشاء اللہ عمران ریاض بھائی! اللہ رزقِ حلال میں برکت دے۔ آپ نے اپنی آمدن کا بتا کرحوصلہ مندی کا ثبوت اور بہت سے بدخواہوں کو جواب دیا ہے"۔

اقرار الحسن کی اس ٹویٹ پر ردعمل دیتے ہوئے صحافی عمر چیمہ نے ٹویٹ میں سوال کیا "آپ سمجھتے ہیں کہ اتنی کمائی ہوتی ہے کہ ہر دو ماہ بعد چار کنال کا گھر بن جاتا ہے؟"۔

عمر چیمہ نے ایک اور ٹویٹ کرتے ہوئے لکھا "ایک اینکر کے اتنے ذرائع آمدن ہیں کہ وہ ہر دو مہینے بعد چار کنال کا گھر بنا سکتا ہے لیکن نواز شریف(جس کے باپ کی اتفاق فاونڈری تھی) نے لندن والے فلیٹ کیسے خریدے؟ سوال تو بنتا ہے"۔