حیدرآباد کے تھانے میں اینکر ارشد شریف کے خلاف ایک شہری کی درخواست پر مقدمہ درج کرلیا گیا۔۔ ایف آئی کا متن کچھ یوں ہے

فریاد ہے کہ میں ایک محب وطن پاکستانی شہری ہوں، مورخہ 20 مئی 2022 کو بوقت 22:00 بجے میں اپنے دوست حمزہ اور وحید خان کے ساتھ کیف اشرف ہوٹل یونٹ نمبر 5 لطیف آباد میں چائے پی رہے تھے کہ میں نے اپنے موبائل پر یوٹیوب چینل میں دیکھا کہ اے آر وائی کے اینکر ارشد شریف نے پاک فوج اور ریاستی اداروں کے خلاف سوال و جواب کی نشست کے دوران میر جعفر اور میر صادق کا نام لے کر پاک فوج اور ریاستی اداروں میں نفرت پھیلانے جیسی باتیں کیں اور نفرت پھیلانے والا ماحول پیدا کیا۔ اور اداروں کی عزت و آبرو کو مجروح کیا۔ میں ایک محب وطن شہری ہوں، یہ باتیں سن کر مجھے بہت دکھ ہوا میرے پاس ان کے خلاف قانونی کاروائی کا اختیار ہے۔ پھر میں نے یہ بات اپنے دوستوں حمزہ اور وحید کو بتائی لہذا اینکر ارشد شریف کے خلاف کاروائی عمل میں لائی جائے