مسجدِ نبوی میں شہباز شریف، مریم اورنگزیب کی آمد پر سیاسی نعرے بازی کرنے اور ویڈیو بنا کر شیئر کرنے پر سعودی عدالت نے پی ٹی آئی سپورٹر/پاکستانی شہری محمد طاہر کو تین سال قید اور دس ہزار ریال جرمانے کی سزا سنادی۔

تفصیلات کے مطابق سلیم صافی نے سعودی عدالت کا حکم نامہ اپنی ٹویٹ میں شیئر کیا ہے جس کے مطابق تین ججز پر مشتمل پینل نے محمد طاہر نامی پاکستانی شہری کو مسجد نبوی میں سیاسی نعرے بازی کرنے اور اس کی ویڈیو بنا کر شیئر کرنے کے جرم پر تین سال قید اور دس ہزار ریال جرمانے کی سزا سنائی ہے۔