At least 280 dead, hundreds injured due to earthquake in Afghanistan

افغانستان میں زلزلے سے کم از کم 280 افراد ہلاک، سینکڑوں زخمی
افغانستان میں منگل اور بدھ کی درمیانی شب آنے والے زلزلے کے باعث کم سے کم 280 افراد ہلاک ہو گئے ہیں۔
خبر رساں ادارے روئٹرز نے افغانستان کے ڈیزاسٹر مینیجمنٹ اتھارٹی کے حکام کا حوالہ دیتے ہوئے بتایا کہ ریکٹر سکیل پر زلزلے کی شدت چھ اعشاریہ ایک تھی۔
طالبان انتظامیہ کی ڈیزاسٹر مینیجمنٹ اتھارٹی کے سربراہ محمد نسیم حقانی کا کہنا ہے کہ زیادہ تر ہلاکتیں صوبہ پکتیکا میں ہوئی ہیں جبکہ سینکڑوں کی تعداد میں زخمی ہیں۔
رپورٹ کے مطابق مشرقی صوبوں ننگرہار اور خوست سے بھی ہلاکتوں کی اطلاعات ملی ہیں۔
اسی طرح اے پی نے افغانستان کی سرکاری نیوز ایجنسی بختر کا حوالہ دیتے ہوئے بتایا ہے کہ متاثرہ علاقوں میں امدادی کارکن ہیلی کاپٹر کے ذریعے پہنچ رہے ہیں۔
ہلاکتوں میں اضافے کے خدشات بھی ظاہر کیے جا رہے ہیں۔
یو ایس جیولوجیکل سروے (یو ایس جی ایس) کی رپورٹ کے مطابق بدھ کی صبح آنے والے زلزلے کے جھٹکے پاکستان میں بھی محسوس کیے گئے۔
تاہم پاکستان میں ابھی تک کسی جانی یا دوسرے نقصان کی اطلاعات سامنے نہیں آئیں۔
Source
China unveils world’s first ‘Biomimetic AI Robot Moya’
State bank approves new currency note designs
Najam Sethi's explosive interview on Indian television, Trump angry on CNN female reporter - Details by Mansoor Ali Khan
Karachi: CCTV footage of 130 million rupees robbery 'the biggest' robbery of 2026
Talat Hussain's exclusive talk with female student Fatima who criticized CM Sohail Afridi
Maryam Nawaz comments on the student's tough questions with Sohail Afridi yesterday









