حامد میر نے طلعت حسین کے پروگرام میں گفتگو کرتے ہوئے بتایا کہ 2009 میں جب عمران خان نے نمل کالج کا افتتاح کرنا تھا تو اس وقت یوسف رضا گیلانی وزیراعظم اور احسن اقبال وزیرتعلیم تھے۔ عمران خان نے مجھے کہا کہ کسی طرح وزیراعظم یوسف رضا گیلانی کو کہیں کہ وہ افتتاحی تقریب میں آجائیں۔ حامد میر نے کہا آپ تو ان کے خلاف اتنی تقریریں کرتے ہیں، خیر حامد میر کے بقول انہوں نے یوسف رضا گیلانی کو درخواست کی اور وہ مان گئے۔ اس پر عمران خان نے حامد میر سے کہا کہ وزیرتعلیم احسن اقبال تمہارا دوست ہے اس کو بھی کہہ دو۔ حامد میر کے بقول جب انہوں نے احسن اقبال سے درخواست کی تو انہوں نے تھوڑی دیر سوچا اور پھر حامی بھرلی۔ حامد میر نے مزید بتایا کہ نمل کالج کی افتتاحی تقریب کو انہوں نے ہوسٹ کیا، اس میں یوسف رضا گیلانی اور احسن اقبال نے تقریریں کیں، عمران خان نے تقریر میں دونوں کا شکریہ ادا کیا۔ حامد میر نے کہا کہ اب جب میں عمران خان کو احسن اقبال کو بڑی رعونت کے ساتھ سقراط کہتے ہیں تو مجھے وہ واقعہ یاد آجاتا ہے جب خان صاحب نے بڑی فرمائش کرکے احسن اقبال کو بلایا تھا۔

حامد میر نے جو واقعہ سنایا اس کی ویڈیو نیچے ملاحظہ کی جاسکتی ہے، یہ نمل کالج کی افتتاحی تقریب کی 2009 کی ویڈیو ہے اس میں عمران خان یوسف رضا گیلانی، احسن اقبال کو بڑے اچھے الفاظ میں یاد کررہے ہیں اور ان کا شکریہ ادا کررہے ہیں۔ ساتھ حامد میر کا خصوصی شکریہ ادا کررہے ہیں۔