فواد چوہدری کی عمران خان کی گھڑی خریدنے کے دعوے دار عمر فاروق ظہور کے ساتھ لیٹسٹ وٹس ایپ چیٹ منظر عام پر آگئی۔ وٹس ایپ چیٹ میں فواد چوہدری عمر فاروق ظہور کو مسیج کرتے ہوئے پوجھتے ہیں

فواد چوہدری: کیا ہوگیا جی، شہزاد (اکبر) تک تو بات سمجھ آتی ہے مگر عمران خان (ٹارگٹ) کیوں؟

عمر فاروق: بھائی میں نے گھڑی خریدی ہے۔ یہ سچ ہے۔

فواد چوہدری۔ ہا ہا ہا ۔ لیکن آپ پارٹی کیوں بن رہے ہیں؟ پانچ ملین کی گھڑی کون دیتا ہے؟

عمر فاروق: بھائی گھڑی کی قیمت دس ملین امریکی ڈالرز سے زیادہ ہے۔ میرے پاس اپریزل ہے۔ یہ گراف ماسٹر پیس ہے اور دنیا میں صرف ایک ہی پیس ہے۔

فواد چوہدری: لگتا ہے یہ گھڑی عمران خان والی نہیں، برائے مہربانی کنفرم کرلیں اور اس کی وضاحت کردیں اور بہتر ہے کہ سوچیں اور خود کو استعمال نہ ہونے دیں۔ آپ میرے بھائی ہیں، میں نہیں چاہتا کہ آپ کو کوئی اپنے مقصد کیلئے استعمال کرے۔ میں اور آپ جانتے ہیں کہ عمران خان ایسا نہیں جو پیسوں کی پروا کرے۔

عمر فاروق: بھائی اس میں کوئی شک کی بات نہیں کہ یہ وہی گھڑی ہے جو سعودی عرب کے کراؤن پرنس نے وزیراعظم کو تحفے میں دی۔ یہ یونیک کعبہ ایڈیشن گھڑی ہے۔ بجائے اس کے کہ آپ مجرم کو پکڑیں آپ غلط بیانیے کا دفاع کررہے ہیں۔ نہ میرا کوئی سیاسی ایجنڈا ہے اور نہ ہی کوئی مقصد۔