عمران ریاض خان کے یکم جنوری 2022 کے وی لاگ سے ایک ویڈیو کلپ سوشل میڈیا پر وائرل ہوگیا۔ اس کلپ میں عمران ریاض خان کہہ رہے ہیں کہ عمران خان کی حکومت قائم و دائم رہے گی اور اپوزیشن عمران خان کی حکومت کو بالکل نہیں گراسکے گی، ساتھ ہی عمران ریاض خان کہہ رہے ہیں کہ آپ نے میری یہ ویڈیو 31 دسمبر 2022 کو چلانی ہے تاکہ آپ کو پتا چلے کہ میں سچ کہہ رہا ہوں یا جھوٹ۔ اب جبکہ عمران ریاض خان کے دعوے کے برعکس عمران خان کی حکومت جا چکی ہے تو سوشل میڈیا پر ان کی یہ ویڈیو وائرل ہے اور بڑے بڑے صحافیوں نے ان کی اس ویڈیو کو ٹویٹ کیا اور بیشتر نے کہا کہ صحافیوں کیلئے سبق ہے کہ وہ بڑے بڑے دعوے کرنے سے گریز کریں۔

اس پر عمران ریاض خان نے جوابی ٹویٹ کرتے ہوئے لکھا "میرا دعوہ تھا کہ یہ اپوزیشن عمران خان کی حکومت نہیں گرا پائے گی۔ آج بھی سب جانتے ہیں کہ حکومت کس نے گرائی۔ عمران خان نے اسمبلیاں توڑ دی تھیں مگر پھر رجیم چینج مکمل کروایا گیا۔ اسٹیبلشمنٹ نے گزشتہ سال ہر حد کو کراس کیا ہے۔"۔۔