قرآن کی تعلیم کے دوران سات سالہ بچی کے ساتھ غلط حرکات کرنے پر مولوی کے خلاف کیس درج

سوشل میڈیا پر ایک ویڈیو وائرل ہے جس میں ایک مولوی قرآن پڑھاتے ہوئے 7 سالہ بچی کے ساتھ نازیبا حرکات کررہا ہے۔ ایف آئی آر کے مطابق حافظ شاہد نامی مولوی کو سائل اپنی سات سالہ بیٹی کو قرآن پڑھانے کیلئے گھر بلاتا تھا۔ سائل کی بیوی کو ایک دن حافظ شاہد کی حرکات پر شک گزرا اور اس نے اپنے خاوند یعنی سائل سے اپنے شک کا اظہار کیا۔ جس پر سائل نے کمرے کی چھت کی ایک ٹائل اکھاڑ کر اس میں موبائل کیمرا فٹ کردیا۔ جب حافظ شاہد بچی کو قرآن پڑھانے آیا تو اس نے بچی کے ساتھ نازیبا حرکات شروع کردیں۔ قران سامنے پڑا ہوا ہے اور حافظ شاہد بچی کے ساتھ غلط حرکات میں مصروف ہے۔ ویڈیو موبائل کیمرے میں محفوظ ہوگئی۔ سوشل میڈیا پر وائرل اس ویڈیو میں صاف دیکھا جاسکتا ہے کہ حافظ شاہد نامی مولوی بچی کے ساتھ کیا کررہا ہے۔

سائل نے ایف آئی آر میں درخواست کی ہے کہ ملزم کے خلاف توہینِ قرآن اور بچی کے ساتھ غلط حرکات کرنے کا مقدمہ درج کیا جائے