I cannot file a false case against anyone - Aftab Sultan says in his last address

میں کسی کیخلاف جھوٹا مقدمہ نہیں چلا سکتا: مستعفی چیئرمین نیب کا الوداعی خطاب
اسلام آباد: چیئرمین قومی احتساب بیورو (نیب) آفتاب سلطان نے نیب ہیڈکوارٹر میں اپنے الوداعی خطاب میں کہا کہ چیئرمین کےعہدے سےمستعفی ہونےکا فیصلہ کیا ہے۔
انہوں نے اپنے خطاب میں کہا کہ بہت خوش اور مطمئن ہوں کہ اپنے اصولوں کو برقرار رکھا، کسی دباؤ کے سامنے نہیں جھکا، اپنی زندگی اور پیشہ ورانہ کیریئر میں قانون کے مطابق کام کرنے کی کوشش کی۔
آفتاب سلطان نے مزید کہا کہ میں نے اصولوں پر کبھی سمجھوتہ نہیں کیا، ہمارا آئین ہمارے تمام مسائل کا حل فراہم کرتا ہے، آئین پر عمل نہ کرنے کی وجہ سے آج ہم سیاسی اور معاشی بحران کا شکار ہیں، سیاسی عمل اور انتخابات کا تسلسل ضروری ہے۔
سبکدوش چیئرمین نیب نے کہا کہ میں کسی کے خلاف جھوٹا مقدمہ نہیں چلا سکتا، نہ کسی کے خلاف قائم ریفرنس محض اس بنیاد پر ختم کر سکتا ہوں کہ ملزم کسی بڑی شخصیت کا رشتہ دار ہے۔
انہوں نے کہا کہ نیب کے نوجوان افسران پر یقین ہے کہ وہ اعلیٰ اخلاقی اقدار اور قانون کی حکمرانی کے اصولوں کو برقرار رکھیں گے۔
خیال رہے کہ آفتاب سلطان نے سابق چیئرمین نیب جاوید اقبال کی ریٹائرمنٹ کے بعد جولائی 2022 کو نیب کی سربراہی سنبھالی تھی۔
ذرائع کے مطابق وزیراعظم شہبازشریف نے چیئرمین نیب آفتاب سلطان کا استعفیٰ منظور کرلیا ہے۔
چیئرمین نیب آفتاب سلطان نے وزیراعظم سے ملاقات میں کہا کہ وہ اس ماحول میں کام نہیں کرسکتے۔
Source
Breaking News: Iran announces end to attack on Israel
What is happening to Pakistanis in UAE? A Deportee Speaks Out
Alleged leaked audio of Joint Public Action Committee top leadership
64 years old husband tells how and why he killed his 58 years old wife
Azad Kashmir: Attack on Military Installations, Next 48 Hours Critical - Details by Mansoor Ali Khan
Why are there protests in Pakistan Administered Kashmir? - BBC report












