اسلام آباد: پاکستان میں اپوزیشن جماعت تحریک انصاف نے صدارتی الیکشن میں حصہ لینے کا اعلان کردیا۔

تحریک انصاف کے چیئرمین عمران خان نے دارالحکومت اسلام آباد میں پریس کانفرنس کرتے ہوئے کہا کہ پی ٹی آئی صدارتی انتخاب میں حصہ لےگی اور تحریک انصاف کے امیدوار جسٹس (ر)وجیہ الدین ہونگے۔

عمران خان نے کہا کہ وہ انتخابات کا بائیکاٹ کرکے ن لیگ کیلئے میدان کھلا نہیں چھوڑسکتے وہ الیکشن لڑیں گے اور ن لیگ کا مقابلہ کریں گے۔

عمران خان کا کہنا تھا کہ الیکشن کمیشن نے اپنا رول ادا نہیں کیا،صدارتی انتخاب کی تاریخ میں تبدیلی پر تحفظات ہیں جب کہ صدارتی الیکشن میں پیپلز پارٹی کے خدشات درست ہیں۔

اس موقع پر انھوں نے جماعت اسلامی کی جانب سے تحریک انصاف کے صدارتی امیدوار کی حمایت کرنے پر شکریہ بھی ادا کیا۔

Source: The News Tribe