شاید اگر اللہ سبحانہ و تعالیٰ کی مرضی و منشیٰ شامل حال رہے تو الیکشن مسائل کا کوئی حل نکل آئے، ایک مقررہ روز صاف شفاف تمام ہی قومی و صوبائی اسمبلیز کے انتخابات ہو جائیں۔ میری معلومات نہیں کہ اس سے قبل کبھی ڈی جی آئی ایس آئی، ڈی جی ملٹری انٹیلی جنس، ڈی جی ملٹری آپریشنز پر مشمل کلیدی فوجی لیڈرشپ نے مشترکہ طور پر چیف جسٹس آف پاکستان سے کسی ایک موضوع پر اتنی طویل ملاقات کی ہو۔ بیشک قوم و ملک کی طرح فوجی لیڈرشپ بھی بیک وقت تمام الیکشنز کا انعقاد چاہتی ہے۔ کل فوجی لیڈرشپ کی چیف جسٹس عطا بندیال سے قوم کے اہم ترین موضوع پر دو گھنٹہ طویل ملاقات نہ صرف سپریم کورٹ بلکہ چیف جسٹس آف پاکستان عطا بندیال کے فیصلہ کن منصب کا احترام و اعتراف بھی ہے۔