قادری پٹیل کا سوفٹ ویئر اپ ڈیٹ ہوگیا۔ گزشتہ روز پارلیمنٹ میں ڈی جی اے ایس ایف پر تنقید کرنے پر آج معافی مانگ لی۔ قادر پٹیل نے اپنے ویڈیو بیان میں معذرت کرتے ہوئے کہا کہ انہیں نہیں پتا تھا کہ ڈی جی اے ایس ایف کا تعلق فوج سے ہے۔

قادر پٹیل نے گزشتہ روز مفتی عبدالشکور کی موت پر پارلیمنٹ میں تقریر کرتے ہوئے کہا تھا کہ میں اور شازیہ مری ایئرپورٹ پر آرہے تھے کہ اچانک پچیس تیس سیکورٹی اہلکار ہٹو بچو کی آوازیں لگاتے ہوئے ہمیں دھکے دینے لگے، ہم نے ڈرتے ہوئے پوچھا اتنی ہڑبونگ کیوں مچی ہوئی ہے، یہ کون آرہا ہے، پتا چلا ڈی جی اے ایس ایف ہے۔ قادر پٹیل نے کہا کہ ان کو اتنی سیکورٹی ملتی ہے جبکہ ہمارا وزیر مفتی عبدالشکور لاوارث چوک میں مرا پڑا تھا۔