وزیر اعظم شہباز شریف فوری لندن سے اسلام آباد واپس پہنچیں۔ عمران خان کی گرفتاری بہت بڑا واقعہ ہے۔ شہباز شریف حکومت کا سب سے بڑا امتحان عوامی رد عمل سے نمٹنا ہو گا۔ اس میں تو کوئی شک نہیں تاریخ کی بدترین مہنگائی تباہ حال معیشیت کے پس منظر میں عمران خان مقبولیت کی بلندیوں پر بیٹھے ہیں۔ پاکستان کے نوجوان، بیرون ملک پاکستانی عمران خان کے دلدادہ ہیں۔ پاکستان کا موجودہ اندرونی خلفشار، دانشمندی ہوشمندی کا تقاضا کرتا ہے۔ خدارا تمام فریقین جوش نہیں ہوش سے کام لیں۔ تمام فریقین پھونک پھونک کر قدم اٹھائیں ہم سب پاکستان کے موجودہ سیاسی جنجال سے نجات چاہتے ہیں۔