عدلیہ کے حوالے سے انتہائی شرمناک اور افسوسناک خبریں چل رہی ہیں:
اسلام آباد ہائی کورٹ کے ایک معزز جج جسٹس میاں گل حسن اورنگزیب نے اسد عمر سے کہا کہ اپنی دو ٹویٹیں ڈیلیٹ کریں، دفعہ ایک سو چوالیس کی خلاف ورزی نہ کرنے کا بیان حلفی دیں اور یہ کہ “وہ” آپکو پریس کانفرنس کرنے کے بغیر تو نہیں چھوڑیں گے۔ معزز جج کے یہ ریمارکس سن کر عدلیہ کی ماضی میں لگائی گئی وہ بڑھکیں یاد آ جاتی ہیں کہ عدلیہ آئین کی محافظ ہے وغیرہ وغیرہ ۔۔۔
آئین کے محافظ ججوں کے منہ سے نکلے ان الفاظ کو عدلیہ کی بزدلی اور بے بسی کہیں یا طعنہ بازی ان الفاظ سے عوام کا عدلیہ سے اعتماد اٹھ جاتا ہے

پی ٹی آئی کی ریلی میں لاہور پولیس کے لاٹھی چارج کے بعد ایک نوجوان نے لٹک مٹک کر کہا "اگر پولیس والے ہمیں ڈنڈے ماریں گے تو ہم انقلاب کیسے لائیں گے“ معزز جج بھی کسی ایسی ہی الجھن کا شکار ہیں کہ اگر پولیس نے عدالتی ضمانت کے باوجود آپکو گرفتار کر لیا تو عدلیہ کی عزت لٹ جائے گی، اسد عمر کو بھی چاہئیے کہ حلفیہ بیان میں عدلیہ کی ایسی عزت کی خاطر دفعہ ۱۴۴ کی خلاف ورزی نہ کرنے کا وعدہ کریں،” یا اللہ پولیس کے دل میں رحم ڈال تاکہ ایسی عدلیہ کی عزت نہ لٹے۔