تلواریں میان سے باہر ہیں کچھ نہ کچھ تو ہونے جارہا ہے اسی لئیے معملات انتہائی تیز رفتار ی سے آگے بڑھ رہے ہیں صرف آج کے دن ایک جانب سپریم کورٹ کے مخصوص جج صاحبان پر مشتمل بینچ نے 9 مئی کے 103 ملزمان کے فوجی عدالتوں میں جاری مقدمات کالعدم قرار دے دئے گئے اب نظر ثانی کی اپیل ہوگی اور پھر ہوگا چیف جسٹس فائز عیسی کا امتحان دیکھتے ہیں کہ وہ کیا تیور دکھاتے ہیں آج ہی چیف جسٹس فائز عیسی کی زیر صدارت بینچ نے الیکشن 2024 التوا درخواستوں کی سماعت شروع کردی چیف جسٹس کے آج کے ریمارکس میں جلد الیکشن منعقد ہونے کی خواہش رکھنے والوں کی ہمت افزائی کا سامان نہیں تھا اگلی سماعت نومبر 2 تک ملتوی بھی ہوگئی اسی دوران آج ہی عمران خان اور شاہ محمود قریشی کے خلاف سائفر کیس میں فرد جرم عائد ہوگئی اڈیالہ جیل میں جاری ان کیمرا سماعت کے دوران مبینہ قومی راز افشا کرنے پر عمران خان اور شاہ محمود قریشی کو ایک آہنی پنجرے میں انسداد دہشت گردی کی عدالت میں بٹھایا گیا بظاہر لگتا ہے کیس کی سماعت تیز رفتار ہوگی اس پس منظر میں نواز شریف اب مری میں اپنی روایتی تخلیے والی ملاقاتوں کے لئے اپنی پرتعیش رہائش میں پہنچ چکے ہیں میاں صاحب اسٹیبلیشمنٹ سے ایک اور رومانس کے متلاشی ہیں مری کی پر افزا وادیاں ان جذبات کو پروان چڑھانے کے لئے بہترین ماحول فراہم کرتی ہیں۔