ان آنکھوں نے بھی کیا کیا نا قابل فراموش مناظر دیکھے ہیں, بدلتا ہے رنگ آسمان کیسے کیسے، آج نواز شریف ایون فیلڈ کیس میں بری ہوگئے۔ بری بھی ایسے ہوئے کہ مکھن سے بال کی طرح نکل گئے پہلے تو نیب نے ہاتھ کھڑے کردئے پھر اسلام آباد ہائیکورٹ سے کیس دو سماعتوں میں فارغ ہوگیا۔ یقین نہیں آتا یہ وہی نیب، وہی ادارے ہیں، وہی عدالتیں ہیں جو دن رات شریف خاندان کی کرپشن کی داستانیں رقم کررہی تھیں، ایک لفظ پانامہ کیس میں نقائص اور کمزوری کے حوالے سے نکل جائے تو صاحبان بہادر آگ بگولہ ہوجاتے تھے خدا کی پناہ یہی وہی نیب وہی جے آئی ٹی ( ایف آئی اے، نیب، آئی ایس آئی، ایم آئی) پر مبنی جے آئی ٹی تھی جس نے 10 volumes پر مشتمل ثبوت شواہد ملک بیرون ملک جمع کئے تھے نو volumes منظر عام پر volume 10 آج تک خفیہ ہے اور اب کایہ پلٹ گئی ہے۔