میرا خاندان دو نسلوں سے مسلم لیگ کے ساتھ وابستہ ھے اور وفا میری سیاسی شناخت ھے۔
میں نے کبھی انتقامی سیاست نہیں کی، اللہ کی مدد سے عوام کی محبت کی سیاست کی ھے۔ میں نے ھمیشہ اپنے مخالفین کیساتھ سیاسی جنگ لڑی ھے ذاتیات کی نہیں ۔ میں اپنے مخالفین کے ساتھ جنگ اصولوں کی لڑتا ھوں اور انکے بزرگوں اور اھل خانہ کا احترام کرتا ھوں۔ میں نے مشرف اور عمرانی ادوار میں اپنے سیاسی مخالفین کی درخواستوں پہ دو دفعہ چھ چھ ماہ قید کاٹی ۔ دونوں دفعہ اللہ نے مہربانی کی میں باعزت رہا ھوا اور اپنی قیادت کو ساتھ رشتے کی حرمت کا پاس رکھا۔
میرے سیاسی مخالفین نے میری بیوی اور بیٹے کے خلاف مقدمے بناۓ انہو ں نے کم از کم 3 درجن پیشیاں بھگتیں ۔ میرے اھل خانہ کو نشانہ بنایا گیا۔ مجھ پر آئین کے آرٹیکل 6 کی کاروائ کا عمرانی کابینہ نے آغاز کیا وہ بھی میرے سیاسی مخالفین کی درخواست پہ ھوا۔ اسکی سزا موت ھے۔
میں اور میرا خاندان کبھی مفرور نہیں ھوا ۔ نواز شریف کیساتھ غیر متزلزل رشتہ ھے۔ یہ سیالکوٹ کے باسیوں کی محبت ھے 34سال سے پورے قد سے کھڑا ھوں۔ اپنے والد مرحوم کی عزت کا پاس رکھا ھے۔
میں کمزور انسان ھوں اللہ عزت سلامت رکھے وفا کے رشتے نبھانے کی ھمت۔ عطا فرماۓ آمین

جو شخص TVپہ بیٹھ اس لیڈر کے خلاف گواہ بن جاۓ جس کی خوشامد میں کفر کی حدود کو چھو جا تا تھا۔ اسکے شر سے میں کیسے محفوظ رہ سکتا ھوں ۔
میں نے محترمہ کو پریس کانفرنس میں بہن کہا ھے اور مجھے اس رشتے کے تقدس کا پورا احترام ھے۔ نسلوں کے خاندانی تعلق اور رشتہ دار یاں ھیں۔ میں ایسی گھٹیا سیاست پہ لعنت بھیجتا ھوں جس پہ مجھے اپنی خاندانی روایات اور تربیت کو قربان کرنا پڑے ۔