ویسے نواز لیگ اگر اپنی باعزت سیاسی اور ذاتی بحالی چاہتی ہے تو عمران خان اور آصف زرداری کو مل کر اسلام آباد اپنی حکومت بنانے دیں۔ نواز لیگ اپوزیشن میں بیٹھ جائے۔ 2022 میں ایک ان پاپولر وزیراعظم عمران خان کو ہٹا کر اسے دوبارہ اپنے پائوں پر کھڑا کرنے کا کفارہ دینا ہوگا۔ سولہ ماہ حکومت کا جو بوجھ ہے اس کا سیاسی اس صورت میں کم ہوگا کہ وہ کچھ عرصہ اپوزیشن میں گزاریں۔ مان لیا اقتدار ہاتھ میں آتا دیکھ کر کوئی سیاستدان اتنی بڑی قربانی نہیں دے سکتا۔ لیکن اگر نواز لیگ سبق نہ سیکھی تو اگلے الیکشن تک اس کی حالت بھی وہی ہوچکی ہوگی جو مسلم لیگ ق کی ہوچکی ہے۔ یہ بھی دس بارہ سیٹوں والا پریشر گروپ بن کر رہ جائے گی۔ باقی کرنی تسی اپنڑی مرضی اے