عارف حبیب صاحب کی اس رائے اور تجویز سے بہرحال اتفاق نہیں کہ اڈیالہ جیل کے باسی سے ہاتھ ملایا جائے۔ ملک میں معیشت اچھے اعشاریے دکھانا شروع ہو چکی ہے۔ سٹاک مارکیٹ بہت بہترین کاروبار کر رہی ہے۔ IMF کا SBA کامیابی سے مکمل ہوا؛ بڑے پروگرام کی طرف کامیاب قدم رواں ہیں۔ SIFC کا وژن اور کاوشیں رنگ لا رہی ہیں۔ تمام بڑے عالمی مالیاتی ادارے اگلے ایک سے دو سال میں پاکستانی معیشت کے استحکام، بہتری اور مہنگائی بےروزگاری میں کمی کی positive projection کر رہے ہیں۔ خود حکومت کا اندازہ ہے کہ 2030 تک پاکستان دنیا کی 20 بڑی معیشتوں میں شامل ہو جائے گا۔ درست سمت کیجانب یکسُوئی سے بڑھتے رہیں تو دیرپا استحکام حاصل ہو جائے گا۔ یوں بھی قید کا بنیادی فلسفہ یہی ہے کہ جس کو قید رکھا گیا ہو وہ اپنی قانونی سزا مکمل کرے اور جس وجہ سے قید رکھا گیا ہو اُس رویے یا کردار میں تبدیلی لائے۔ جب تک ایسا نہ ہو، ہاتھ ملانے کا کوئی فائدہ نہیں ہو گا۔ دنیا کی تاریخ گواہ ہے کہ جس لیڈر کو جیل ہوئی؛ جیل نے اس کی سوچ رویے اور کردار میں تبدیلی گہرائی پختگی اور نکھار پیدا کیا۔ اگر ان سب کا اظہار کیا جائے اور عملاً ثبوت بھی دیے جائیں تو پھر تو ہاتھ ملانے میں کوئی معانقہ نہیں۔ لیکن اگر مقصد اور رویہ عدم استحکام کا ہو تو پھر کیسے ہاتھ ملانے کا فائدہ ہو سکتا ہے۔ اگر میثاقِ معیشت پر بِنا کسی پس و پیش یا شرائط کے، ملکی استحکام کی خاطر قربانی دینے کا زبانی و عملی اظہار کو تو پھر تو سو بسم اللّہ وگرنہ حالات تو ویسے بھی بہتری کی جانب گامزن ہیں ہی۔