انڈین آرمی کے شہید کیپٹن انشومن سنگھ کی نوجوان بیوہ کے متعلق سوشل میڈیا پر غلیظ کمنٹ کرنے والے صارف احمد کو دہلی پولیس نے ڈھونڈ کر گرفتار کرلیا۔

تفصیلات کے مطابق کچھ دن قبل سوشل میڈیا پر انڈین آرمی کے شہید کیپٹن انشومن سنگھ کی نوجوان بیوہ سمرتی سنگھ کی ایک تصویر کے نیچے احمد نامی ایک لڑکے نے انتہائی نازیبا کمنٹ کیا۔ جس پر سوشل میڈیا پر سخت غم و غصہ دیکھنے میں آیا اور لوگوں کی طرف سے مذکورہ شخص کو گرفتار کرنے کا مطالبہ کیا گیا۔

آج دہلی پولیس نے احمد نامی اس لڑکے کو گرفتار کرلیا۔ یہ لڑکا دہلی میں ہی مقیم تھا۔ اس لڑکے نے کیپٹن انشومن سنگھ کی بیوہ کے متعلق کیا کمنٹ کیا تھا، وہ نیچے ملاحظہ کیا جاسکتا ہے۔

انشومن سنگھ کی بیوہ سمرتی سنگھ اپنے شوہر کو دیئے گئے اعزاز کو وصول کرنے کیلئے ایک تقریب میں شریک تھیں، اسی تقریب کی تصاویر میں سے ایک پر احمد نامی لڑکے نے یہ کمنٹ کیا۔

احمد نامی لڑکا گرفتاری کے بعد دہلی پولیس کی تحویل میں