سوشل میڈیا پر کچھ عرصے سے ایک ویڈیو وائرل ہے جس میں بھارتی گلوکار کمار سانو یہ گیت گاتے پائے گئے کہ "عمران خان کو آزاد کروائیں گے، وزیراعظم بنائیں گے۔" کمار سانو نے انسٹاگرام پر اس ویڈیو کے متعلق وضاحتی بیان جاری کرتے ہوئے لکھا کہ میں نے پاکستان کے سابق وزیراعظم عمران خان کیلئے کبھی کوئی گیت نہیں گایا، سوشل میڈیا پر میری جو ویڈیو وائرل ہے اس میں آواز آرٹیفشل انٹیلی جنس سے بنائی گئی ہے۔ کمار سانو نے مزید کہا کہ کچھ لوگ مجھے بدنام کرنا چاہتے ہیں، یہ ٹیکنالوجی کا انتہائی غلط استعمال ہے، کمار سانو نے انڈیا کی حکومت سے اپیل کی کہ وہ ٹیکنالوجی کے غلط استعمال کو روکنے کیلئے قدم اٹھائیں۔