افغان عوام/افغان طالبان پاکستان اور افغانستان کے درمیان ڈیورنڈلائن کو سرحد نہیں مانتے۔ وہ سمجھتے ہیں انگریزوں نے 1893 میں ان سے یہ علاقے چھین کر انہیں اپنی انگریز سلطنت کا حصہ بنا لیا تھا۔ اس لیے پاکستان کی آزادی کے فورا بعد کابل نے پاکستان کو تسلیم نہیں کیا تھا۔ یہ ایران تھا جس نے ہمیں تسلیم کیا۔
افغان تو موجودہ پاکستان کے اندر کم از کم اٹک پل تک کو افغانستان کا حصہ کلیم کرتے ہیں۔ہم سب کے لاڈلے محمود خان اچکزائی بھی پاکستان افغانستان کے درمیان اس ڈیورنڈ سرحد کو نہیں مانتے بلکہ ایک جلسے میں کہا تھا میں دونوں اطراف کے پشتونوں کو کہتا ہوں اس باڑ کو اکھاڑ کر پھینک دو۔ خیر اچکزائی کے” گریٹر پختونستان” کا تو نقشہ ہی کچھ اور ہے جس میں بات صرف اٹک پل تک نہیں رکتی۔

کیا اب پی ٹی آئی کی صوبائی حکومت بھی اس ڈیورڈ لائن باڈر کو نہیں مانتی لہذا وزیراعلی گنڈا پور کہتا ہے وہ اب افغانستان سے براہ راست بات چیت کرے گا ؟ لگتا ہے ہمارے لاڈلے اچکزائی کا پی ٹی آئی کے ساتھ نیا نیا رومانس رنگ دکھا رہا ہے۔ دیکھتے جائیں اب نیا نقشہ کیا بنتا ہے۔۔

ویسے اگر کابل کے افغان طالبان سے براہ راست مزاکرات کے دوران طالبان نے وزیراعلی پختون خواہ علی امین گنڈاپور سے اپنا 131 سال پرانا مطالبعہ دہراتے ہوئے دونوں ملکوں میں انگریزوں کی کھینچی لکیر (ڈیورنڈ لائن) ختم کر کے پشاور/اٹک تک کے علاقے مانگ لیے اور ساتھ ہی گنڈاپور کو کہا جائے کہ وہ طالبان کے کابل/قندھار میں سپریم لیڈر ہیبت اللہ اخوند ذادہ /ملا برادر کی بیعت کر لیں تو وہ کیا فیصلہ کریں گے ؟