اب تک کی تصدیق شدہ معلومات کے مطابق یہ بات درست ہے کہ فورسز نے مظاہرین پر سیدھی فائرنگ کی۔ جس سے درجنوں لوگ زخمی ہوئے۔ آنسو گیس شیلز بھی ساتھ ساتھ فائر کیے گئے۔ زیادہ زخمی ہونے والوں کی کل تعداد سو سے کچھ زائد ہے۔ تا ہم پی ٹی آئی کے آفیشیل اکاؤنٹ سے کیا گیا سینکڑوں افراد کی ہلاکت کا دعوٰی درست نہیں۔ مارے جانے والے افراد کی کل تعداد سنگل ڈیجٹ میں ہی ہے۔

یہ بات پولیس کے متعلقہ لوگ کنفرم کر رہے ہیں۔ اگر پی ٹی آئی مارے جانے والے لوگوں کے نام اور پتے بتائے تو مزید تحقیقات کی جا سکتی ہیں۔

فوج کی طرف صحافیوں اور میڈیا کے اداروں کو کہا گیا ہے ہلاک ہونے والے افراد کے بارے میں خبر نہ چلائیں۔ صرف زخمیوں کی خبر چلانی ہے تو چلائیں۔ اور زخمیوں کی خبر چلانی ہو اور تعداد اگر دس بتانی ہے تو ساتھ یہ بھی چلا دیں رینجرز اور پولیس کے بیس زخمی ہیں۔ یعنی آئی ایس آئی کی ہدایات، جن پر ہر حالت میں عمل کرنا ہوتا ہے، کے مطابق میڈیا مظاہرین کے زخمیوں کی جو مرضی تعداد رپورٹ کر لے۔ مگر جو بھی فِگر رپورٹ کریں اس کا ڈبل بتائیں کہ فورسز کے لوگ زخمی ہوئے ہیں۔ مگر پولیس کے افسران جو مکمل آگاہی رکھتے ہیں انکے مطابق یہ بات غلط ہے۔ فورسز کے لوگ آخری دن زخمی نہیں ہوئے۔ جن کو کوئی تھوڑی بہت چوٹ آئی ان کی تعداد پچیس سے تیس کے درمیان ہے۔