امریکہ کی خواہش پر ایران اسرائیل جنگ بندی کا عمل شروع ہوگیا ہے صدر ٹرمپ نے ایران اسرائیل جنگ میں مکمل جنگ بندی کا اعلان کیا، لیکن ایران نے محتاط مؤقف اختیار کیا امریکی صدر ڈونلڈ ٹرمپ نے اسرائیل اور ایران کے درمیان 12 روزہ جنگ کے خاتمے کا اعلان کرتے ہوئے اسے “مکمل اور مکمل جنگ بندی” قرار دیاہے ٹرمپ نے کہا کہ حالیہ امریکی فضائی حملوں نے ایران کی جوہری تنصیبات کو تباہ کر دیا اور امریکی فوج کو کوئی نقصان نہیں پہنچا۔دوسری جانب ایرانی وزیر خارجہ سید عباس عراقچی نے کہا کہ ایران نے کسی باضابطہ جنگ بندی پر دستخط نہیں کیے۔ اُن کا کہنا تھا کہ اگر اسرائیل صبح 4 بجے تک حملے روک دے تو ایران بھی جوابی کارروائی بند کر دے گا۔اس پیش رفت میں قطر کا اہم کردار رہا۔ ٹرمپ کی درخواست پر قطری وزیراعظم نے ایران سے رابطہ کیا اور ثالثی کی۔ قطر نے امریکی اڈے پر حملہ روکنے کے لیے ایرانی میزائل بھی روکے۔اگرچہ ٹرمپ اسے بڑی سفارتی کامیابی بتا رہے ہیں، لیکن ایران کا محتاط رویہ ظاہر کرتا ہے کہ جنگ بندی ابھی غیر یقینی ہے۔ اگلے چند گھنٹے فیصلہ کن ہوں گے۔