
لندن…برطانوی حکومت نے طلبہ، تاجروں، فن کاروں اور کھلاڑیوں کیلیے ویزوں میں نرمی کا اعلان کردیا ہے۔ کاروبار کے لیے برطانیہ آنے والے گریجویٹ تاجر اپنے ویزوں کو ہنرمند ورکرز کے ویزے میں آسانی سے تبدیل کرا کے ملازمت حاصل کرسکیں گے۔ حکومت نے بزنس وزیٹر روٹ میں بھی اہم تبدیلیوں کا اعلان کیا ہے جس کے تحت غیرملکی کمپنیاں برطانیہ میں اپنے ملازمین کو کارپوریٹ ٹریننگ کے لیے بھیج سکیں گی۔ بزنس وزیٹر کو اپنی تعلیم کے لیے مختصر کورسز کرنے کی بھی اجازت ہوگی اور اس کیلیے انہیں اسٹوڈنٹ ویزے کی بھی ضرورت نہیں ہوگی۔ برطانوی دفتر داخلہ کے مطابق ان اقدامات کا مقصد زیادہ سے زیادہ کاروباری افراد اور طلبہ کو برطانیہ میں لانا ہے۔ اس کے علاوہ فن کاروں اور کھلاڑیوں کے لیے بھی ویزا قوانین میں نرمی کی گئی ہے۔ برطانوی دفتر داخلہ نے ان افراد کے لیے بھی قوانین میں تبدیلی کی ہے جن کا شریک زندگی برطانیہ میں مقیم ہو۔ تاہم غیریورپی شریک زندگی کے لیے 18 ہزار 600 پاوٴنڈ کی تنخواہوں کی شرط ختم نہیں کی تاہم برطانوی شریک زندگی ہونے کی صورت میں اس کی بچت کو ایڈجسٹ کرنے کی اجازت دی ہے۔
Source
I am not asking you - Bilawal Bhutto scolds Shazia Marri during discussion
London: Former imam sentenced to life for sexual assaults
Before leaving China, the American crew threw away everything given to them by Chinese authorities
Chinese Soldier Standing Near Trump’s Plane Goes Viral for Discipline
Video shows arrest of alleged drug dealer Anmol Aka Pinky
Anmol Pinky case investigation disclosed new information








